Fyrirtækið

GKS – Gamla Kompaníið byggir á gömlum og traustum grunni. Fyrirtækið í núverandi mynd er tilkomið með samruna nokkurra fyrirtækja:

• Gamla kompaníið, stofnað 1908
• Kristján Siggeirsson, stofnað 1919
• Steinar stálhúsgagnagerð, stofnað 1960
• Trésmiðjan Eldhús og bað, stofnað 1993

Í dag vinna hjá fyrirtækinu starfsmenn sem áður höfðu starfað hjá öllum þessum fyrirtækjum. Hér er því mikil reynsla samankomin hjá góðu starfsfólki. Starfsmannafjöldi er að jafnaði um 25-30 manns.

GKS – Gamla kompaníið er framleiðslufyrirtæki af fullkomnustu gerð sem býr yfir tölvustýrðum fjölvinnsluvélum, UV lakkvélum, tölvustýrðum sögum og borvélum, allt til að geta boðið bestu nákvæmni í framleiðslu og samkeppnishæf verð. Auk þessa hefur fyrirtækið umboð fyrir hágæða innréttingum frá þýska framleiðandanum Nobilia, hljóðvistarkerfi og glerveggjakerfi svo dæmi séu tekin.

Verkefni okkar eru fyrst og fremst þjónusta við innréttingamarkaðinn, innihurðaframleiðsla, framleiðsla og sala skrifstofuhúsgagna og hverskyns sérsmíði innanhúss hvort heldur sem er fyrir heimili, fyrirtæki eða stofnanir.