Trésmiðja GKS

Picture_119.jpg (1510737 bytes)

Trésmiðja gks ehf byggir á gömlum og traustum grunni. Fyrirtækið í núverandi mynd er tilkomið með samruna Gamla Kompanísins sem stofnað var 1908, Kristjáns Siggeirssonar stofnað 1919, Steinari stálhúsgagnagerð stofnað 1960 og Trésmiðjunni Eldhús og Bað sem stofnuð var 1993. Í dag vinna hjá fyrirtækinu starfsmenn sem áður hafa starfað með öllum þessum fyrirtækjum. Hér er því mikil reynsla samankomin hjá einvala starfsfólki. 

Framleiðslutæki eru af fullkomnustu gerð m.a. tölvustýrðar fjölvinnsluvélar, UV lakkvélar, tölvustýrðar sagir og borvélar allt til að geta boðið bestu nákvæmni í framleiðslu og samkeppnishæf verð. Starfsmannafjöldi er um 25-28 manns.

Verkefni okkar snúa að þjónustu og framleiðslu við innréttingamarkaðinn, skrifstofuhúsgagnaframleiðslu og hverskyns sérsmíði innanhúss hvort heldur sem er fyrir heimili, fyrirtæki eða stofnanir. Við önnumst alla verkþætti frá tilboði til uppsetningar og eru einkunnnarorð okkar að vera ávallt traustsins verðir, að gæði framleiðslunnar séu tryggð og að afhending sé á réttum tíma.